Napun-an sang luha kag hugot nga paghakos ang reunion sang Pinay death row convict nga si Mary Jane Veloso kag sang iya pamilya sa Correctional Institution for Women sa Mandaluyong subong nga Miyerkules, Disyembre 18.
Subong nga adlaw, nagpauli na si Mary Jane matapos napreso sa Indonesia bangud sa ginaalegar drug trafficking.
Ini matapos nadakpan siya nga may sulod nga 2.6 kilos nga iligal nga droga ang iya luggage sang nag-abot siya sa Yogyakarta sang 2010.
Sang Nobyembre, ginkumpirma ni President Ferdinand Marcos, Jr., nga nakahimo na ang Manila kag Jakarta sang kasugtanan nga isaylo si Veloso sa Pilipinas.
