ILOILO CITY Ginaduso sang alkalde sang siyudad sang Iloilo nga pasakaan ang patong sa ulo sang no. 1 drug personality sa Western Visayas nga si Richard Prevendido.
Sa interview sang Bombo Radyo, ginpahayag ni Mayor Jed Patrick Mabilog, nga sa P1,050,000 nga patong sa ulo ni Prevendido, tunga sa milyon diri ang gin-amot sang siyudad.
Pinaagi sa sini suno sa alkalde, dako ang posibilidad nga madasig nga madakpan si Prevendido.
Si Prevendido ang padayon nga ginapangita sang mga otoridad apang gin-ako sang Police Regional Office 6 nga nabudlayan ang mga ini nga dakpon ang drug lord.