Iloilo City – Magadepende ang reward system sang Iloilo City Police Office sa makuha nga impormasyon halin sa mga civilian assets sa ginapatigayon nga drug buy-bust operations.
Sa interview sang Bombo Radyo kay Police Colonel Joeresty Coronica, officer-in-charge sang Iloilo City Police Office, iya ginpahayag nga hatagan sang nagakaigo nga monetary award ang mga civilian assets nga makatudlo sang mga durugista sa syudad.
Ini ang kasunod sang kampanya sang Philipine National Police agud mapapas ang tanan nga durugista sa pungsod.
Sa matuod suno kay Coronica, nagakuha pa ini sa kaugalingon nga bulsa agud makakuha sang impormasyon.
Nahibaluan nga may yara man sang reimbursement ang opisina, apang limitado ini.
Sa subong, nagdangat na sa P6 million nga balor sang iligal nga droga ang na-confiscate sang Iloilo City Police Office.
