Nangguba na sang domestic box office sales ang pelikula sang mag-asawa nga sanday Marian Rivera kag Dingdong Dantes nga “Rewind”.
Ini na ang ginakabig nga highest-grossing Filipino film sa domestic sales matapos nga naglapaw sa P815-million ang kita sini sang Enero 17.
Nalapawan sini ang local box office records nga gin-set sang “Hello, Love, Goodbye” nanday Kathryn Bernardo kag Alden Richards sangg 2019 kag “The Hows of Us” nanday Kathryn Bernardo kag Daniel Padilla sang 2018 nga may mga income nga P691 million kag P690 million.
Sa global sales naman, nakalab-ot na sa P845-M ang nalabot sang “Rewind” kag kinahanglan pa lab-uton ang P880-million nga na-set sang “Hello, Love, Goodbye” nga amo gihapon ang ginakilala nga highest-grossing Filipino film of all time.
Nahibaluan nga nagapadayon subong ang international run sang pelikula sa masobra 300 ka mga sinehan sa lain-lain nga mga pungsod lakip na sa Canada, Guam, kag Saipan.
Ginabantayan man ang pag-abot sini sa mga sinehan sa Middle East matapos nga nakakuha na sang clearance subong gid lamang nga semana.#
