ILOILO CITY- Gin-lockdown ang building sang Rural Health Unit (RHU) sang Nueva Valencia, Guimaras.
Ini matapos nagpositibo sa COVID-19 ang isa ka health worker sa amo nga RHU.
Sa interview sang Bombo Radyo kay Vice Mayor Atty. Paul Vincent dela Cruz, iya ginpahayag nga ginpaidalom naman sa Reverse Transcription Polymerase Chain Reaction (RT-PCR) test ang mga close contacts sang nasambit nga health worker.
Suno kay dela Cruz, wala pa mapat-od kon san-o magabalik ang operasyon sang RHU bangud ginahulat ang resulta sang swab test sang mga close contacts.
Nahibaluan nga ang nasambit nga health worker ang residente sang Brgy. Salvacion sa amo man nga banwa.
Matandaan nga ginlockdown man ang amo nga barangay matapos narekord ang mataas nga kaso sang COVID-19 sa lugar.
