Magatingob-pwersa sanday Daniel Padilla kag Richard Gutirrez para sa isa ka palaabuton nga proyekto nga “Incognito.”
Lakip man sa ila makaupod sa series amo sanday Baron Geisler, Kaila Estrada, Ian Veneracion kag ang breakthrough tandem nanday Maris Racal kag Anthonny Jennings.
Sa nag-guwa nga teaser video, nakit-an nga kada cast member ang naga-uyat sang rifle kag may suksok nga bulletproof vests kag uniform.
Wala pa sang dugang nga detalye nga gin-release kun san-o ini malantaw sang publiko kag kun ano pa gid ang balantayan sa istorya.
Katapusan nga nakit-an si Richard sa action-series nga “The Iron Heart” samtang ang katapusan naman nga proyekto ni Daniel sa telebisyon amo ang “2 Good 2 Be True.”
Pareho man sila nga na-involve sa matunog nga kontrobersiya matapos ang pagbulaganay ni Richard kag iya anay asawa nga si Sarah Lahbati; samtang si Daniel naman ang halin man sa break-up sa iya long-time partner nga si Kathryn Bernardo.
