Sa labing una nga tion, nagsabat na ang aktor nga si Richard Gutierrez sa mga kontrobersiya sa iya relasyon lakip na ang ila pagbulagay ni Sarah Lahbati kag ang pagka-link sa iya sa mas bataon nga aktres nga si Barbie Imperial.
Enero 2024 pa sang una nakit-an sanday Richard kag Barbie sa gastropub kag ginsundan sang sightings sa South Korea kag Italy, apang tubtub subong, wala sang kumpirmasyon halin kay Richard kaangot sa ila ‘real status’.
Pahayag sang aktor, for now, “what you see is what you get.”
“Siguro for now, like gaya nga ng sabi mo, nakikita naman ng mga tao. Doon muna tayo sa what you see is what you get sa amin ni Barbie,” kabahin sang statement sini sa interview sang vlogger-reporter-talent manager nga si Ogie Diaz.
Ginklaro man sini nga wala nag-overlap sanday Barbie kag Sarah — buot silingon, kun siya ang pahambalon, indi third party si Barbie sa ila anay relasyon sang iya asawa. Pahayag sini, madugay na sila nga nagbulagay ni Sarah antes sini nakilala si Barbie.
Pahayag sini, “Ang gusto ko lang sigurong i-clarify doon sa mga tao is that si Barbie, walang kinalaman sa paghihiwalay namin ni Sarah. Hindi siya third party, hindi nag-overlap. Kasi maraming mga tao, yun nga, mga bashers na nagsasabi na siya ang dahilan. Wala siyang kinalaman.”
Dugang sini, “Siyempre kasi parang ang daming nagre-react sa kanya, ang daming mga nag-hate comment sa kanya. So siyempre, kailangan ko siyang protektahan. Kailangan ko rin i-clarify yun, di ba?”
Sa subong suno kay Richard, nagapadayon ang annulment process nila sang iya nga estranged wife. Dugang sini, naka-move forward na sila nga duha kag co-parenting ang ila set-up sa ila duha ka mga bata nga sanday Zion kag Kai.
“Siguro yung tungkol sa amin ni Sarah, ayoko na rin pag-usapan, yung mga nangyaring detalye. Kasi, we are actually going through an annulment now. And both parties naman want to move forward… Actually, at this point, nakapag-move forward na yung both parties,” kabahin pa sang iya sabat sa interview.
Matandaan nga Marso 2024 sang ginkumpirma sang Swiss-born Filipina actress nga wala na sila sang relasyon ni Richard.#
