Ginakabig sang isa ka manogtakod sang suga nga dako nga bulig ang Fiesta Minatay para iya nga sideline.
Sa interview sang Bombo Radyo kay Jan Alexis Villareal, manogtakod sang suga, iya ginpahayag nga bilang naga-eskwela sa automotive nga kurso, gingamit sini ang kahigayonan kag ang iya natun-an agud nga makapangtakod sang suga sa mga panchon.
Suno kay Villareal, ang ideya nga iya natun-an ang mahimo nga ma-apply man sa sideline niya kada pista minatay.
Ginpahayag man sini nga sa bulig sang iya mga abyan, nakasulod ini sa amo nga trabaho.
Gingamit man sang natungdan ang amo nga kahiwatan agud nga makadugang-dugang sang bulig para sa iya pamilya.
Nahibaluan nga si Villareal ang isa ka distributor sa negosyo sang iya nga utod kag naga-sideline man bilang rider.
