Patay ang isa ka rider nga naghimo sang motorcycle stunt matapos siya nga madulaan sang kontrol sa manibela kag nagbunggo sa nakaparada nga taxi sa kilid sang karsada.
Natabo ang insidente sa Cagayan de Oro City.
Ang biktima nagaedad sang 20-anyos kag residente sang Manolo Fortich sa Bukidnon.
Suno sa upod sang biktima, ginhangkat ini nga mag-perform sang stunt kag nagpasugot man.
Sa malain nga palad, may nalabayan ini nga gubaon nga parte sang dalan kag didto na natabo ang disgrasya.
Wala ini sang suksok nga helmet nga rason nga Malala ang naangkon sini nga pilas sa ulo kag amo man sa lawas.
Indi na pagpasakaan sang reklamo ang driver sang taxi apang ginahibalo pa kun ano ang pwede nga silot sa iya bangud sa pagparada sa indi husto nga lugar.
