Patay ang isa ka rider samtang nautdan naman sang duha ka tiil ang isa pa ka rider matapos gin-arado sang truck ang ginamaneho nila nga motorsiklo sa Rizal.
Natabo ang trahediya sa Sumulong Highway sa Antipolo City.
Base sa video footage, hinali lang naglusot ang truck halin sa pihak nga linya kag gin-arado ang duha ka motorsiklo sa atubang sini.
Ginrason naman sang driver sang truck nga nadulaan sang preno ang iya nga salakyan kag may ginlikawan man ini nga jeep nga may mga pasahero.
Preso na ini subong kag desidido naman ang pamilya sang duha ka rider nga pasakaan ini sang kaso.
