Patay ang isa ka motorcycle rider sang gin-anod sang mabaskog nga daludo sang tubig samtang nagatabok sa suba, samtang nasalbar naman sang mga rescuer ang angkas sini sa Barangay San Jose, Antipolo City, Rizal.
Dead-on-arrival sa Cabading Hospital ang biktima nga si alyas “Raymond”, 33, residente sang Brgy. Laiban, Tanay, Rizal.
Natabo ang insidente sa Purok Canumay, Brgy. San Jose.
Suno sa backrider nga si alyas “Mike”, 25, gin-akupar niya ang biktima para sa pagpanukot sang bayad sa mga miyembro sang “AHON SA HIRAP” Inc. Microfinance.
Sang nagatabok na sila sa suba, napatay ang makina sang motorsiklo kag didto na sila gin-anod.
Nagbulig ang mga residente nga luwason ang duha apang si Mike lang ang ila naluwas.
