ILOILO CITY- Ginbawian gid sang kabuhi ang isa ka lalaki matapos nadisgrasya sa motorsiklo sa Sta. Barbara, Iloilo.
Ang biktima amo si Jethro Baradas, 29 anyos, residente sang Bolilao, Mandurriao, Iloilo City.
Sa interview sang Bombo Radyo kay PMaj. Raymond Celoso, hepe sang Sta. Barbara Municipal Police Station, iya ginpahayag nga nagamaneho si Baradas sang iya motorsiklo sang nakabunggo ini sa palm tree sa center island sa airport bypass road nga kabahin sang Brgy. Camambugan sa amo nga banwa.
Sumo kay Celoso, wala sang ginasuksok nga helmet si Baradas rason nga sang nagtabog ini, nakalampos ang iya ulo sa semento nga nagresulta sa patal nga pilas nga amo ang gintunaan sang iya kamatayon.
Gindala pa sa ospital ang biktima apang gindeklarar nga dead on arrival sang attending physician.
