ILOILO– Wala pa sa gihapon sang progreso ang ginapatigayon nga imbestigasyon sa mga riding in tandem incidents sa syudad sang Iloilo.
Sa interview sang Bombo Radyo kay Iloilo City Police Office Director Police Col. Martin Defensor Jr., iya ginpahayag nga ginatinguhaan sang mga kapulisan kag ginahatagan gid nila sang atensyon ang ini nga kaso agud gilayon nga masolbar.
Apang suno kay Defensor ang kakulangan sang mabaskog nga ebidensya ang isa sa mga dako nga problema nga ila gina atubang kag ini ang isa sa mga rason kun ngaa wala sa gihapon nagahulag ang ang imbestigasyon sa nasambit nga mga kaso.
Dugang pa ni Defensor, may yara man sang mga imbestigasyon nga wala napadayon bangud wala na sang plano ang pamilya sang biktima nga ipadayon pa ang kaso.
