Nagpanugyan si House prosecutor Terry Ridon nga himuon nga apat ka adlaw kada semana ang proceedings sa impeachment trial ni Vice President Sara Duterte agud mapadasig ini kag mabawi ang mga adlaw nga na-delay bangud sa malain nga panahon.
Suno kay Ridon, target sang prosecution nga matapos ang ila presentasyon sang kaso antes matapos ang Septyembre.
Ini agud makasugod naman ang defense sa pagpresentar sang ila mga ebidensya sa Oktubre.
Ginalauman niya nga posible matapos ang trial antes matapos ang Disyembre.
“Hopefully by the end of September we’re done… para meron pong pagkakataon yung depensa na mailatag yung ebidensya from October until probably the end of, or middle of, November,” pahayag sini.
Suno pa kay Ridon, mas praktikal nga idugang ang Huwebes sa schedule subong nga Lunes tubtob Miyerkules, sa baylo nga Biyernes ukon Sabado, bangud may iban pa nga legislative work ang mga empleyado sang Senado.
“Di lang naman paglilitis ginagawa nila, meron din silang ibang legislative work outside impeachment,” dugang sini.
Sang sini nga semana, isa lamang ka adlaw ang session sang Impeachment Court bangod sa padayon nga pag-ulan nga nagresulta sa lapnagon nga pagbaha sa pila ka bahin sang Metro Manila.
