Nagpanawagan si House prosecutor kag Bicol Saro Party-list Representative Terry Ridon kay Vice President Sara Duterte nga kun sa diin man ini nga parte sang kalibutan, dapat nga mag-atubang na ini sa impeachment trial.
Suno kay Ridon, lima na ka semana kag ika-11 nga adlaw sang hearing, pero wala gihapon nagapakita ang bise presidente sa Senado.
“Sa ikalimang linggo o ikalabing-isang araw ng paglilitis, wala pa ring Vice President Sara Duterte sa loob ng Senate impeachment court,” suno kay Ridon.
“Muli, nasaan man po kayo sa mundo Madam Vice President, harapin po natin ang paglilitis, harapin natin ang katotohanan,” suno pa sa prosecutor.
Indi obligado ang bise presidente nga personal nga magtambong sa impeachment trial bangud ginarepresentar siya sang iya defense team.
Makaisa pa lamang nakasulod si Duterte sa Senado nga natabo sa ikaduha nga adlaw sang impeachment trial, sa diin nagpakigkita lamang siya sa iya mga abogado antes naghalin kag wala na nagtambong sa hearing.
Ginmuno man ni Ridon ang madamo nga biyahe ni Duterte sa guwa sang pungsod sang 2025 kag 2026 nga naglab-ot sa 91 ka adlaw sa kabug-usan.
Suno sa iya, bisan nagsiling ang Office of the Vice President nga personal nga kwarta ang gin-gamit sa mga biyahe, kinahanglan gihapon ini ikumpara sa iya Statement of Assets, Liabilities, and Net Worth ukon SALN.
“I think at this point, it’s also very important to push back already on their narrative that the Vice President’s trips should not be meddled with since she uses personal funds. But we want to clarify now: the Vice President has been out of the country from 2025 to 2026 for 91 days,” pahayag ni Ridon.
Lakip sa pinakahuli nga mga ginbisitahan sang bise presidente amo ang Qatar, Germany, United Kingdom, kag Netherlands, nga suno sa OVP kabahin sang personal nga mga aktibidad kag pagpakigkita sa mga komunidad sang mga Pilipino.
Ginabanta ni Ridon nga mahimo maglab-ot sa P8-million ang kabug-usan nga nagasto sa mga biyahe kon iupod ang pamasahe kag adlaw-adlaw nga allowance base sa United Nations daily subsistence allowance.
Bangud sini, nagsiling siya nga dapat usisaon kon nagatupong ini sa mga ginpahayag sa SALN sang bise presidente.
Dugang pa niya, nagakinahanglan sang mga P3-million kada bulan agud matustusan ang amo sini nga mga biyahe, nga suno sa iya malayo sa P398,700 nga basic monthly salary sang bise presidente, ukon mga P4.78-million kada tuig, wala pa nalakip ang mga allowance kag iban pa nga benepisyo.
“Ano ho ang nakalagay sa SALN ng 2024? Una, wala pong cash dito, zero ‘yong cash in bank, cash on hand ng Pangalawang Panuglo. Pero pangalawa, even assuming na may cash ang ating Pangalawang Pangulo, hindi lang po niya na-deklara po ito, ano po ‘yong monthly income na kailangan ng isang tao para makagastos ng P5 million to P8 million na travel?” suno kay Ridon.
“So, very important to clarify that even if the Vice President is supposedly paying for these trips from private funds, where does that private funds come from? Can it come from her salary alone? I don’t think so,” dugang sini.
Diri na kag ginkwestyon sini kun nagahalin bala ini sa mga negosyo nga ka-partner nila.
“Can it come from the businesses that supposedly they own or they are partners of? Probably not because we had seen in the financial statements of all the Duterte-Carpio businesses, the businesses are not doing well. So where does she source the money needed for these trips, 91 days out of the country, three months outside?” dugang pa sang lawyer-legislator.#
