ILOILO CITY – Naaresto sang mga pulis ang ginakabig nga ‘right hand’ sang napatay nga drug lord nga si Melvin Odicta Sr.
Sa gahom sang warrant of arrest, gin-aresto sang mga otoridad si Rolando Torpio sa Villa, Arevalo, Iloilo City kagab-e.
Si Torpio ang ginakabig nga sub-leader sang Odicta Drug Syndicate Group.
Sa inteview sang Bombo radyo, gin-ako ni Torpio nga sang aktibo pa ini sa kalakalan sang iligal nga droga nagakuha pa ini sang supply kay Odicta apang ginpanginwala nga salaligan ini ukon ‘right hand’ ini sang drug lord.
Gin-ako man ni Torpio nga anay driver ini sang Taxi sang mga Odicta apang ginpanginwala ni Torpio nga wala sang kamatuoran ang impormasyon nga sub group leader ini sang sindikato sang iligal nga druga.
Ginpanindugan naman ni Torpio nga determinado na kuntani ini nga magbag-o sang kabuhi at magasungka na kuntani sa otoridad apang naunahan lamang sang ginserbehan ini sang warrant of arrest.
Suno pa kay Torpio, sa Pasaya City ini sa Metro Manila nagpanago kag ginhingyo sa kapulisan nga indi na pag-dal-on pa ukon i-ulamid ang iya mga katapo sang pamilya.