Nagpasalig ang Cuban boxer nga si Guillermo ‘The Jackal’ Rigondeaux nga padayunon niya ang iya nga karera sa boksing apisar nalutos siya paagi sa 12 round split decision batok kay WBO bantamweight champion John Riel Casimero, ang pambato sang Pilipinas.
Sa sambuwa nga ginpatigayon sa Dignity Health Sports Park sa Carson, California, wala sang bastante nga sumbag nga nakit-an halin sa 40 anyos nga si Rigondeaux.
Madamo nga mga fans ang nagpahayag nga madaug kuntani ang Cuban boxer kun nagpagwa lang siya sang clear punches apang daw kaangay nga nag-isol ang kamot sini matapos nakatilaw sang inisyal nga pwersa ni Casimero sa early round sang hampang.
‘Bad night kag off night’ lang ang natabo suno kay Rigondeaux apang indi pa magtakop ang iya nga karera bangud luyag niya nga ma-frustrate ang ‘LITTLE BOXERS’ nga iya maatubang.
Sa subong suno sa natungdan, mapahuway anay siya kag ma-family time kag mabalik lang kun handa na siya liwat.
