Ginkumpirma sang militar sang Ukraine nga napatay sa away batok sa Russia ang Ukrainian Air Force Flanker air show display pilot nga si colonel Oleksandr Oksanchenko.
Si Oksanchenko amo ang beterano nga fighter pilot sang Su-27 large fighter nga may NATO codename nga Flanker.
Nagserbe ang nasambit nga colonel bilang display pilot sang amo nga Su-27 halin sang 2013 tubtub sa 2018.Ginpahayag sang European Air Shows nga gin-igu sang S-400 air defence system sang Russia ang aircraft ni Col. Oksanchenko.
Nagbiya na ini sa active service kag nagsulod sa reserves sang late 2018 apang nagboluntaryo pa nga magpabilin sa Ukrainian Flanker Solo Display Team bilang coach/advisor.
Nag-upod siya sa iya nga team sang 2019 display season kag nakapatigayon pa sang katapusan nga airshow season para sa iya nga team.
Apisar retired na, nagbalik ini agud nga pangapinan ang iya pungsod batok sa atake sang Russia.
Kasunod sang iya nga kamatayon, ginpasidunggan siya ni Ukrainian President Volodymyr Zelensky bilang ‘Hero of Ukraine’.
Ginlaragway man sang presidente si Oksanchenko bilang “one of the best fighter pilots in the world”. ##
