Nagalaum ang mga opisyal sang Barangay Rizal Estanzuela, Iloilo City Proper nga mangin tayuyon na ang zero COVID-19 case nga record sang ila nga barangay.
Sa interview sang Bombo Radyo kay Punong Barangay Hector Obligacion, iya ginpahayag nga bug-os nga bulan sang Oktubre nga wala sang nagdugang nga COVID-19 case sa ila nga lugar.
Sa una nga 10 ka adlaw sang Nobyembre, wala man sang napagkit nga kaso sang nasambit nga balatian.
Todo man ang pagpaninguha sang mga opisyal suno kay Obligacion agud mapahanumdom sa mga pumuluyo nga padayunon ang pagtuman sa minimum health protocols agud malikawan ang transmission sang virus.
Matandaan nga isa ang Rizal Estanzuela sa mga barangay sa syudad nga tuman ka apektado sang nagluntad ang COVID-19 outbreak sa Iloilo Fish Port complex sang nagligad mga binulan bangud madamo sa ila mga pumuluyo ang nagatrabaho didto.
