ILOILO — Nagpatuman ang Regional Mobile Force Battalion 6 – 601st Company sang tree planting activities, regular nga ehersisyo, kag rehydration sa ila nga mga katapo agud malikawan ang epekto sang tuman ka init nga tyempo.
Sa interview sang Bombo Radyo kay Police Lieutenant Michael Jan Villa, 3rd Platooon Leader sang RMFB 6, iya ginpahayag nga dako ang mabulig sang pagtanom sang kahoy sa ila nga kampo bangud indi lang ini nagaserbe palahuwayan bangud pamaagi man agud mapabugnaw sang palibot.
Suno kay Villa, sa piyak sang pagtanom sang kahoy, tuyo man nila nga ipasuksok sa ila katapo ang athletic uniform ukon patrol shirt agud nga makapahagan-hagan sa mabatyagan nga kainit sang panahon.
Ginpasigurado man sini nga regular nga maka-ehersisyo ang ila katapo nga army agud mapabilin nga healthy ang ila ikaayong lawas apisar sang nagatagiti nga init.
Gina-obserba man sang Battalion nga may yara sila sang bastante nga kuhaan sang tubig ilimnon kag pangpaligo agud mapabilin nga rehydrated ang armadong kusog sang gobyerno.
