Ginpatuman na subong nga adlaw ang road closure sa pila ka dalanon sa syudad sang Iloilo bangud sa Calle Real Street Night Market
Sa interview sang Bombo Radyo kay Ret. Police Colonel Uldarico Garbanzos, head sang Iloilo City Public Order and Safety Management Office, ginpahayag sini nga ang mga porsyon sang siudad nga nasiraduhan amo ang:
- Porsyon sang JM Basa Street halin sa Corner sang Guanco Street pakadto sa Ortiz Street
- Guanco Street halin sa corner JM Basa Street padulong sa Rizal Street
- Mapa Street halin sa corner sang Rizal Street to JM Basa Street
- Peralta Street halin sa corner Muelle Loney Street to JM Basa Street.
Dugang pa ni Garbanzos, mag-gamit sang mga alternatibo nga mga ruta agud mapadasig ang byahe kag masiguro man ang siguridad sang mga magapadulong sa natuhoy nga aktibidad.
