ILOILO CITY – Madamo sa gihapon sang mga nagasablag sa dalanon nga makita sa syudad sang Iloilo sa ika-duha nga hugnat sang road clearing operation nga ginapatigayon.
Sa interview sang Bombo Radyo kay Executive Assistant for Brgy. Affairs Mr. Fernando Jose “Boyet” Rico, iya ginpahayag nga kaupod sa pagpatigayon sang clearing operation amo ang Land Transportation Office, Philippine National Police, Department of the Interior and Local Government, Oplan Hawan team, Public Safety and Transportation Management Office kag iban pa.
Suno kay Rico, sa kada paglibot nila sa mga kabarangayan kag dalanon, madamo sang mga naga illegal park.
Ang mga nagkaladakpan pahayag niya ang wala na sang warning sa baylo ginpang ticketan ang mga ini.
Ginasiguro sang natungdan nga sa pagpatigayon sang road clearing operation, wala sang pasin-uhon kag indi lango-lango ang implementasyon
