Bombo Iloilo – Agud malikawan ang pagdinas-ukanay sang mga salakyan sa Ungka flyover, may gin-install nga road signages ang Pavia Traffic Management.
Sa interview sang Bombo Radyo kay Dante Dumaguing, pinuno sang nasambit nga opisina, iya ginpahayag ang right lane ang para sa alagyan pakadto sa Tacas, Jaro, Iloilo City, kag ang left lane naman ang alagyan pakadto sa Pavia, Iloilo.
Suno kay Dumaguing, ini nga inisyatibo ang nagatuyo agud magiyahan ang mga motorista sa pagasundon nga ruta.
Ginpahayag sang natungdan nga humalin ang pag-implement sini, nangin mas matawhay ang dalagan sang trapiko sa palibot sang Ungka flyover.
