Iloilo City – Ginapanan-aw sang Committee on Transportation sang Iloilo City Council nga mangin kabahin sang ila requirements ang road worthiness sang mga tricycle bag-o mag- release sang prangkisa.
Sa interview sang Bombo Radyo kay Iloilo City Councilor Atty. Sedfrey Cabaluna, Chairman sang Committee on Transportation, iya ginpahayag nga mangin kabahin sang road worthiness ang appearance kag functionality sang tricycle.
Suno kay Cabaluna, ang ini nga hilikuton ang ara sa kamot sang Public Safety and Transportation Management Office agud siguraduhon ang mga ruta kag carrying capacity sang mga tricycle.
Sa tion nga matapos ang application sang prangkisa, maga-submit sang certification ang Public Safety ang Transportation Management Office nga magapahanugot sa mga tricyle nga magbiyahe sa dalanon.
Ang presentasyon sang ruta ang ginalauman nga matapos bag- o ang Dinagyang Festival.
Sa subong, may yara sang 18 nga ruta para sa mga tricycle sa syudad.
