Nagtaliwan na ang legendary American singer-songwriter, pianist, kag Grammy winner nga si Roberta Flack sa edad nga 88-anyos.
Siya ang matahum nga tingog sa likod sang sultry ballads nga “The First Time Ever I Saw Your Face” kag “Killing Me Softly With His Song” nga nagpanguna sa charts sadtong 1970s.
Ang iya kamatayon ang ginkumpirma sang iya publicist nga si Elaine Schock sa isa ka statement.
“We are heartbroken that the glorious Roberta Flack passed away this morning February 24, 2025. She died peacefully surrounded by her family. Roberta broke boundaries and records. She was also a proud educator,” kabahin sang pahayag.
Madumduman nga ang Nobyembre 2022, ginkumpirma sang African American singer nga na-diagnose siya nga may ALS ukon Lou Gehrig’s disease kag indi na makakanta. Ang amyotrophic lateral sclerosis isa ka progressive illness nga nagaepekto sa nerve cells kag naga-resulta sang paralysis kag kamatayon.
Kilala si Roberta nga wala lamang nagtinir sa isa ka musical genre kundi gin-blend sini ang jazz, soul, pop kag R&B para makahimo sang distinctive style tubtub nga ginkilala bilang isa sa most influential singers sang Amerika.
Apat ka Grammys ang iya nadag-an kag ginhatagan man sang Lifetime Achievement Award sang 2020.
Siya ang labing-una nga artista sa maragtas nga nakadaog sang duha ka magkasunod nga Record of the Year trophies paagi sa “First Time I Ever Saw Your Face” sang 1973 kag “Killing Me Softly with His Song” sang 1974.
Kilala man siya sa iban nga hits kaangay sang “Feel Like Makin’ Love” kag “Tonight I Celebrate My Love” nga isa ka duet kaupod kay Peabo Bryson.
