Ginsapubliko ni Senate Majority Leader Francis Tolentino nga natalana nga mangin party president sang Partido Demokratiko Pilipino (PDP) si Senator Robinhood Padilla.
Suno kay Tolentino, wala pa man ang pormal nga eleksyon sang party officials apang frontrunner si Padilla sa amo nga posisyon kag ginalauman na nga siya ang pilion.
Magapabilin naman nga party chairman si anay Presidente Rodrigo Duterte.
Nahibaluan nga sa apat ka myembro sang PDP sa Senado, apat lamang ang ginalauman nga magapaeleher liwat sa 2025 elections nga amo sanday Tolentino, Senator Ronald ‘Bato’ Dela Rosa kag Senator Christopher Lawrence ‘Bong’ Go.
Bisan wala man ang party election, isa na ka ranking official si Padilla sa amo nga partido kun sa diin siya ang nagapungko nga executive vice president.
Sang Mayo 2023, matandaan nga gin-anunsyo sini nga nag-resign siya sa amo nga posisyon agud nga magtutok sa iya trabaho bilang senador.
Ang presidente subong sang partido ni Duterte amo si Palawan Rep. Jose Alvarez.
