Magapadalagan ang aktor nga si Robin Padilla sa pagka-senador sa 2022 national elections sa idalom sang ruling party nga Partido Demokratiko Pilipino–Lakas ng Bayan (PDP-Laban) Cusi Wing.
Nagsumpa na si Padilla kaupod ang iya utod nga si Rommel Padilla.
Ang oathtaking ang gin-administer ni Department of Energy (DOE) Secretary kag PDP Laban President Alfonso Cusi.
Ginkumpirma sa statement sang PDP-Laban nga yara si Padilla sa senatorial slate sang ruling party, samtang ang iya utod naman ang magapadalagan bilang kongresista sa 1st District sang Nueva Ecija.
Sang 2016 elections, isa si Padilla sa naghatag sang mabaskog nga suporta sa kandidatura ni Presidente Rodrigo Duterte. Ginsuportahan man sini si Senator Christopher “Bong” Go sa eleksyon sang 2019.
