ILOILO CITY – Gin-athag sang Department of Justice (DOJ) nga indi exempted ang Office of the Vice President sa imbestigasyon sang task force nga gintukod ni Presidente Rodrigo Duterte agud imbestigaran ang korapsyon sa gobyerno.
Suno kay Justice Secretary Menardo Guevarra, kun may matukiban ang Task Force Against Corruption (TFAC) nga iregularidad ukon reklamo batok sa opisina ni Vice President Leni Robredo, indi nila ini pagpalampason.
Apang gin-athag ni Guevarra nga wala pa sang mando halin sa Malacañang nga magpatigayon sang imbestigasyon sa opisina sang bise presidente nga amo ang pinuno sang opposition nga Liberal Party.
Lakip sa mga myembro sang task force amo ang Office of the Ombudsman, Commission on Audit, Civil Service Commission, Presidential Anti-Corruption Commission, and the Office of the Special Assistant to the President.
Mangin ang Anti-Money Laundering Council, the National Bureau of Investigation (NBI), and the National Prosecution Service ang kabahin man sang task force.
