Liwat nga ginpaidalom sa lie detector test si dismissed policeman Rodulfo Gracioso Jr. sang National Bureau of Investigation (NBI) kahapon nga adlaw, Miyerkules, Setyembre 30.
Suno kay NBI Director Melvin Matibag, naglab-ot sa tatlo ka oras ang testing kay Gracioso.
Padayon na nga gina-imbestigaron sang NBI ang mga sabat ni Gracioso sa una nga polygraph test kun sa diin nagwa nga 99% nga “truthfulness” ang pahayag sini.
Gina-imbestigaran naman sa karon ang affidavit sini nga ginapahayag una nga nagdala sang bag nga may nag-unod nga kwarta para kay Vice President Sara Duterte sang nagserbe ini bilang security aide ni anay Speaker Lord Allan Velasco.
Samtang, importante suno sa Supreme Court nga indi pagkonsiderar bilang conclusive ukon nagakaigo nga ebidensya ang resulta sang lie detector test agud pamatud-an nga may ara sang sala ang akusado.
Mahimo lamang gamitin ang resulta sang polygraph bilang kabahin sa ebidensya sa iban pa nga napamatud-an na nga impormasyon suno sa korte.
