Pagkatapos sang sunod-sunod nga pagtaas sang presyo sang gasolina, diesel, kag kerosene, liwat naman nga maga nubo subong nga semana.
Duha na ka kompanya ang nagkompirma sang rollback kada litro, P0.25 sa gasolina samtang sa diesel kag sa kerosene P0.40.
Ipatuman ang nasambit nga rollback buas, Martes, Hulyo 23, 2019.
Samtang may yara naman sang kompanya nga maga patuman sang kaangay nga pagpanubo sang presyo magluwas lamang sa kerosene.
Magluwas sa pinaka bag-o nga roll back sini nga semana, ang year-to-date adjustment sang presyo ang yara sa net increase nga P6.20 kada litro sa gasolina, P4.00 sa diesel kag P1.75 sa kerosene.
