Ginpabugal ni House Speaker Martin Romualdez nga natukod sa mabakod nga pundasyon ang “Alyansa Para sa Bagong Pilipinas” nga amo ang alyansa sa idalom sang administrasyon ni President Ferdinand Marcos, Jr.
Kadungan ini sang convention sang amo nga alyansa sa Pasay City kahapon, Septyembre 26, sa diin ginpakilala na ni Marcos ang 12 nga magabug-os sang ila senatorial line-up.
Suno kay Romualdez nga amo man ang presidente sang Lakas-Christian Muslim Democrats (Lakas-CMD), indi na sila separado nga mga grupo kundi nagatindog nga united bangud sa unity suno sa iya, may yara sang gahum nga nagahimo sang damgo bilang reyalidad.
“We are united by a shared purpose: to uplift the lives of every Filipino, to create a future where our country thrives, and to ensure that no one is left behind,” pahayag sini.
“When we look back at the challenges our nation has faced, it becomes clear why unity is crucial. Each of our parties – whether it be Partido Federal ng Pilipinas (PFP), Lakas-CMD, the Nationalist People’s Coalition (NCP), the Nacionalista Party (NP), or the National Unity Party (NUP) — represents different perspectives, histories, and stories… But today, we come together, not as separate groups, but as one force for the people. We stand united because we know that in our unity, we find the power to turn dreams into reality,” dugang ni Romualdez.
Ang ginatumod sini nga unity sa 2025 administration coalition ang ginabug-usan sang dalagku nga political parties nga Lakas-CMD, Partido Federal ng Pilipinas, Nacionalista Party, Nationalist People’s Coalition, kag National Unity Party.
Kun balikan, sa amo nga convention, ginpakilala ni Marcos ang ila mga kaupod nga magapadalagan sa pagkasenador nga amo sanday Interior Secretary Benhur Abalos, Jr., Makati Mayor Abby Binay, Senator Pia Cayetano, former senator Panfilo Lacson, Senator Lito Lapid, Senator Imee Marcos, former senator Manny Pacquiao, Senator Ramon “Bong” Revilla, Jr., former senator Vicente Sotto III, ACT-CIS Rep. Erwin Tulfo, Senator Francis Tolentino, kag Las Piñas City lone district Rep. Camille Villar.
Sa tanan nga ginpanglawag, ang utod lamang ni President Marcos nga si Imee ang absent sa event. Ginpahayag sang presidente nga masako na ini sa pagpangampanya kadungan sang convention.#
