Handa si anay House Speaker Ferdinand Martin Romualdez nga atubangon ang bisan ano nga reklamo nga ipasaka sa iya sang Office of the Ombudsman suno sa iya abogado nga si Atty. Ade Fajardo.
Ini may kaangtanan sa nagapadayon nga imbestigasyon sa ginaalegar nga pagkaangot sini sa iregularidad sa mga flood control project.
Ginpasiguro ni Fajardo nga wala sang ebidensya nga naga-angot kay Romualdez sa mga alegasyon.
Suno pa sa iya, yara pa sa case build-up stage ang imbestigasyon sang Ombudsman kag wala pa ini nakalab-ot sa preliminary investigation.
Una na nga ginpahayag ni Ombudsman Jesus Crispin Remulla nga malapit na matapos ang fact-finding investigation batok kay Romualdez kag mahimo na ini magpadayon sa preliminary investigation.
Ginkwestyon man sang kampo ni Romualdez ang kredibilidad sang mga pahayag sang mga bodyguard ni anay mambabatas Zaldy Co, nga ginapahayag nagdala sang ginapatihan nga kickback sa pila ka opisyal sang gobyerno.
Suno kay Fajardo, kinahanglan hatagan si Romualdez sang kahigayunan nga pormal nga makasabat sa mga alegasyon antes maghatag sang bisan ano nga konklusyon.
Nahibalauan nga gina-imbestigahan sanday Romualdez kag Co may kaangtanan sa ginapatihan nga kickback sa mga kuwestiyonable nga flood control project.
