Nabaligya na sa balor nga $1.79 million ukon masobra P86 million sa isa ka auction ang basketball card ni NBA star Kobe Bryant.
Ang flawless Kobe Bryant rookie card ang ginakonsidera bilang “one of the rarest in existence.”
Suno sa Goldin Auctions, nabakal ang ini nga rookie card sang wala nagpakilala nga buyer.
Ang Topps trading card ang isa sa duha lamang sa bilog nga kalibutan nga ginakabig nga “black label pristine condition.”
Ini man ang pinakamahal nga Kobe Bryant card nga nabaligya.
