Maabot subong nga adlaw sa syudad sang Iloilo sanday Presidential Spokesperson Atty. Harry Roque kag vaccine czar Sec. Carlito Galvez Jr.
Dala sang duha ka mga opisyal ang solusyon sa nagataas nga kaso sang COVID-19 sa syudad.
Ang ginatumod nga solusyon amo ang mga kinahanglan nga bakuna kag supplies sang Iloilo City.
Sa interview sang Bombo Radyo kay Iloilo City Mayor Jerry Trenas, 50,000 doses sang COVID-19 vaccines ang lauman nga dala nanday Roque kag Galvez sa diin may yara sang hiwaton nga ceremonial turnover sa Freedom Grandstand.
Ginapasalamatan ni Mayor Trenas ang national government sa suporta nga ginahatag sa mga Ilonggos agud nga masolusyonan ang pandemya.
Lima ka mga problema ang ginpalab-ot sang syudad sa duha ka mga opisyal kag ini amo ang;
*Kakulang sang bakuna
*Unpaid bills sang PhilHealth
*Kakulang sang medical personnel
*Kakulang sang COVID medicines kag
*Kakulang sang equipment kaangay sang ventilators kag high flow oxygen cannula.
