Personal nga kwarta ni Presidential Spokesperson Atty. Harry Roque ang gingamit sini sa paglagaw sa mga probinsya sa pungsod bilang kabahin sang adbokasiya sang iya nga opisina agud nga ma-revive ang turismo sang Pilipinas.
Matandaan nga nagpatigayon sang press briefings si Roque sa mga tourist destinations kaangay na lang sang Baguio City, Bohol, Boracay kag Palawan.
Suno kay Roque, nangin kabahin na sang iya nga adbokasiya nga buligan ang mga nagbukas na nga turismo bangud importante nga makaangkon liwat sang palangabuhian ang mga Pilipino.
Dugang pa sang opisyal, may yara lamang sang P800,000 nga budget ang iya opisina kag ang iya pagbisita sa mga tourist destinations ang wala ginapondohan sang Department of Tourism.
