Naka-display subong sa side altar sang simbahan sang Alimodian ang isa ka rosarito nga halin mismo kay Pope Francis.
Sa interview sang Bombo Radyo kay Mark Rhian Caigoy, altar server sa Parish of Saint Thomas of Villanova, iya ginpahayag nga isa ka residente sang ila banwa ang ginpadal-an sang santo papa sang rosarito.
Suno kay Caigoy, nagsulat ang amo nga lalaki sa Vatican para maghingyo kay Pope Francis nga pangamuyuan ang iya iloy nga may balatian nga spine cancer.
Pahayag ni Caigoy, matapos mabaton sang santo papa ang sulat, nagpadala ini sang sulat nga may upod nga anom ka mga rosarito.
Ang isa ka rosarito ang ginhatag niya sa simbahan nga amo subong ang makit-an sang mga tawo.
