Ginmanduan sang Sandiganbayan ang Royal Traders Holding Company, Incorporated (RTHCI) nga bayaran ang gobyerno sang P367 million nga ginapahayag kabahin sang ill-gotten wealth ni late dictator Ferdinand Marcos kag sang iya pamilya.
Sa 52 ka pahina nga desisyon, nagmandu man ang korte sang bayad sang 12% interest per year halin sang February 1993 tubtub nga mabayaran na sang kumpleto ang amo nga amount.
Suno pa sa Sandiganbayan, ang bank certificates sa deposits nga nagabalor P65,978,870; P30,050,000; kag US $5,435,362.90 ukon P277,562,195 ang kabahin sang propiedad kag papeles nga gindala sang Pamilya Marcos sa Hawaii kag nakumpiska sang United States Customs sang nag-abot sila sa Honolulu sang February 26,1986.
Ginapahayag nga ang amo nga deposito ang nabaton sang mga Marcos paagi sa Royal Traders Holding Company, Incorporated ukon ginatawag anay nga Traders Royal Bank (TRB) sang naga-operate ini sang 1974 tubtub 1979.
