Ginahikot na nanday Rufa Mae Quinto kag Trevor Magallanes ang papeles para sa ila nga divorce matapos ang walo ka tuig nga pag-updanay bilang mag-asawa.
Mismo si Magallanes ang nagkumpirma sini paagi sa isa ka Instagram story.
Pahayag sini, mabudlay ang ila gina-agyan, apang ang importante subong suno sa natungdan amo nga matapos na ini kag makaupod niya ang iya anak nga si Athena.
“I want to make myself clear that Rufa Mae and I are in the process of a divorce. You may be aware divorce can be very devastating to the children and also the parents. That being said, my marriage has been a shit show and I am sorry for that,” pahayag sini.
“All that matters [to] me at this time is getting through the divorce as best as I can and spending time with Athena. Happy holidays!” dugang pa.
Matandaan nga antes ini nga statement, nag-post man siya sang screenshots sang ginaalear nga istoryahanay nila ni Quinto. Sa ila pagbaisay sa amo nga chat, pabalik-balik ang ila nga gina-istoryahan sa arrangement sa pagtatap sa ila bata.
Ang pagbulgar ni Magallanes nga bulagay na sila ni Rufa Mae ang natabo pila ka semana lamang matapos ginkumpirma man sang comedienne-actress nga may yara siya sang warrant of arrest bangud sa 14 counts of violation sang Section 8 sang Securities Regulation Code.#
