ILOILO CITY – Ginpana-ugan sang show cause order sang “Run After Contribution Evaders” (RACE) team sang Social Security System ang mga business establishments sa distrito sang Mandurriao nga wala naga-obligar sang contributions sang ila mga empleyado.
Kaupod ang acting head sang Western Visayas Division sang Social Security System nga si Angelo Blancaver, Department Manager III Atty. Bernardo Dofitas Jr., kag Branch Head sang Social Security System-Molo nga si Leo Santillan, nagpanglibot ang team kag napanghatag sang show cause order sa mga establishments kag naghatag man sang giya sa mga tag-iya sang madali nga pamaagi agud nga maka-remit sang contributions sang mga empleyado.
Sa interview sang Bombo Radyo kay Mr. Amiel Genova, acting senior communications analyst sang Social Security System- Iloilo, iya ginpahayag nga katuyuan sang ahensya nga mapasiguro nga mahatagan sang proteksyon ang mga empleyado.
Ang mga establishments nga ginpana-ugan sang show cause order ang una na nga nahatagan sang notice kag sa tion nga indi pa sila makapakig-angut sa ahensya sa sulod sang 15 ka adlaw, suno kay Genova, ipatuman na sang ahensya ang legal actions batuk sa ila.
Subong nga tuig suno sa natungdan, nagpasalig ang ahensya nga mas intensified pa ang pagpanglibot kag pang-chekyar sang ila nga team nga mapaslawan nga mag-remit sang contributions para sa ila mga empleyado.
