Ginbombahan sang Russia ang isa ka children hospital sa Mariupol, Ukraine apisar sang ginkasugtan nga ceasefire sa tunga sang duha ka pungsod.
Una na nga ginpahayag sang Russia nga ila untaton ang pagpang-atake agud nga maka-evacuate sa Mariupol ang linibo ka mga sibilyan.
Suno sa gobernador sang Donetsk region, 17 ang mga napilasan sa natabo nga pagpangbomba lakip na ang mga manugbata nga mga kababainhan.
Ini man ang ginpanginwala ni Kremlin spokesman Dmitry Peskov, sa diin suno sa iya, wala ginahimo nga target sang Russia ang mga sibilyan sa ila pagpang-atake.
Ginbasol naman sang Russia ang Ukraine sa kapaslawan sini nga mapahalin ang mga residente sang Mariupol.
Ginabanta nagdangat na sa 1,170 ka mga sibilyan ang napatay sa Mariupol humalin sang nagsugod ang pagsalakay sang Russia sa Ukraine sang Pebrero 24.
