ILOILO CITY – Ginpahayag sang Kremlin nga may yara na sang maayo nga resulta nga nakuha ang Russia sa military campaign sa Ukraine, isa ka gatos ka adlaw pagkatapos nga ginpadala sang Moscow ang tropa sa pro-Western neighbor.
Ini ang ginpahayag ni Kremlin spokesman Dmitry Peskov.
Suno sa Russia, ginpadala nila ang ila nga tropa sa Ukraine agud nga pangapinan ang mga residente sa duha ka breakaway pro-Moscow regions nga amo ang Donetsk kag Lugansk People’s Republics nagikan sa Kyiv military.
Suno pa kay Peskov, nahatag na ang opurtunidad sa mga tawo nga makatukod sang malinong nga pagpangabuhi kag magapadayon ini tubtob nga ang tanan nga katuyu-an sang military operation ang matuman.
