Indi imbitado ang Russia sa virtual meeting sang 30 ka mga pungsod nga ginapamunuan sang Estados Unidos nga may katuyuan nga papason ang lapnagon nga ransomware kag iban pa nga cyber crime.
Suno sa private sector cybersecurity experts, madamo nga mga ransomware gangs ang naga-operate sa Ukraine kag Rusia.
Pahayag naman sang US officials kag analysts, ang mga Russian ransomware gangs ang naga-operate nga may approval nagikan sa Kremlin apang indi direkta nga gina-kontrol sang gobyerno.
Ang US ang gina-updan sang India, Australia, Germany kag United Kingdom nga amo ang magapamuno sang diskusyon tuhoy sa mga topiko kaangay sang disruption, virtual currency kag diplomacy.
Lakip man sa pagsinapol ang Canada, France, Brazil, Mexico, Japan, Ukraine, Ireland, Israel, South Africa, kag European Union.
