Indi magbaton si Russian President Vladimir Putin sang mga tawo nga nag-evacuate halin sa Afghanistan.
Rason sang presidente, posible nga magpakuno-kuno ang mga miltante bilang refugees kag magsulod sa ila nga pungsod.
Ginpakamalaot man ni Putin ang ideya sang Western countries nga i-relocate ang refugees halin sa Afghanistan padulong sa kaiping nga Central Asian countries samtang gina-proseso pa lang ang ila nga visa sa United States kag Europe.
“Does that mean that they can be sent without visas to those countries, to our neighbours, while they themselves (the West) don’t want to take them without visas?” pahayag ni Putin sa mga lider sang ruling United Russia party.
“Why is there such a humiliating approach to solving the problem?” pahayag ni Putin.
Antes sini, nagpatigayon ang Estados Unidos sang secret talks sa pila ka mga pungsod agud nga mahatagan anay sang puluy-an ang Afghans nagaobra sa U.S. government apang nagpalagyo halin sa Afghanistan bangud sa kahangawa sa ila seguridad kasunod sang Taliban take-over sa amo nga pungsod.
Ini nga ideya sang US ang ginapamatukan naman sang Russia, pungsod nga nagapahanugot sa visa-free travel sa mga residente sang ex-Soviet Central Asian countries. “We don’t want militants showing up here under cover of refugees,” dugang ni Putin. #
