Liwat nga nagbayluhanay sang dalagko nga drone attacks ang Russia kag Ukraine, samtang lunsay sila nga nagapadayon sa diplomasya may kaangtanan sa nakatalana nga sinapol sa Alaska sini nga Byernes sa tunga nanday U.S. President Donald Trump at Russian President Vladimir Putin.
Suno kay Ukrainian Air Force, 100 ka Russian drones ang ginlunsyar, kun sa diin 70 diri ang na-intercept sang pungsod.
Samtang, ginsiling sang Russia nga 126 ka Ukranian drones naman ang ila napatibusok.
Bangud sini, temporaryo nga ginsuspinde sang Russia ang mga flight sa pila ka mga airport sa Vladikavkaz, Grozny, Saratov, kag Kaluga.
Na-report man nga isa ang patay kag madamo ang mga nasamaran sa Saratov, kun sa diin naigo sang drone ang ila mga puluy-an.
Ginkumpirma naman sang Ukrainian General Staff nga gina-target kuntani nila ang oil refinery nga ginagamit sang Russina forces.
Sa pihak nga bahin, nagpirma na sang joint statement ang mga lider sang France, Germany, U.K., kag Poland bilang suporta sa Ukraine.
