Gindeklarar sang Russia nga nakuha na nila ang kontrol sa bug-os nga Luhansk province sa eastern Ukraine matapos nga naangkon ang Lysychansk, ang katapusan nga syudad sa amo nga rehiyon kun sa diin nagbato ang Ukrainian forces.
Mismo ang military command sang Ukraine ang nagkumpirma man nga nakuha na sang Russia ang Lysychansk apang kun ang presidente sang Ukraine ang pahambalon, padayon pa ang away sa amo nga syudad.
Ginpahibalo naman ni Russian Defence Minister Sergei Shoigu si Russian President Vladimir Putin nga liberated na ukon naangkon na sang Russia ang bilog nga Luhansk.
Ang self-proclaimed Luhansk People’s Republic (LPR) nga suportado sang Russia ang nagdeklarar naman nga “liberated” na ang Luhansk region.
Nahibaluan nga ang Russia lang kag ang Syria ang nagakilala sa Luhansk People’s Republic bilang independent. Ang Ukraine kag ang western allies ang nagakonsiderar pa sini bilang isa ka Ukrainian territory.
