ILOILO CITY – Nagpaandam ang Russia sa paggamit sang nuclear weapons kun pasudlon sang North Atlantic Treaty Organization (NATO)
Sweden kag Finland sa ila alyansa.
Suno kay Dmitry Medvedev, deputy chairman sang Security Council sang Russia, iya ginpahayag nga pabaskugon pa sang pungsod ang iya land, naval kag air forces sa Baltice Sea agud nga mabalik ang military balance.
Ginpahayag man ni Medvedev nga posible nga maggamit na sang nuclear weapon kag wala na sang negosasyon para sa “nuclear free” Baltic.
Suno sa natungdan, himuon ini sang Russia sa tion nga mapuno na sila kag ginpahayag nga ang NATO amo ang nagtuga sang sini nga kinagamo.
