ILOILO CITY – Nagsugod na sang military drill ang Russia sa Northen territories sang Japan, ang lugar nga gina-control sang Russia apang gina-claim sang Japan.
Sa interview sang Bombo Radyo kay Bombo International Correspondent Josel Palma direkta sa Japan, iya ginpahayag nga ang ini nga military drill ang ginpatigayon pila ka adlaw pagkatapos nga gin-untat sang Moscow ang peace talks sa Japan bangud sang ginpataw sini nga sanction kasunod sang Ukraine invasion.
Suno kay Palma, sa ginpahayag sang Eastern Military District sang Russia, ang drill ang ginapatigayon sa Kuril Islands nga may masobra 3, 000 ka mga personnel kag ginatos ka mga army equipment.
Dugang pa ni Palma, ang Moscow ang naggamit sang state of the art nga drone para sa strategic features kag preliminary survey activities bilang pagpanghanda sa paglunsyar sang anti-tank missiles.
Ang Russia kag Japan ang may yara na sang masobra isa ka dekada nga away kag wala pa sang may napirmahan nga peace treaty bangud sa nagapadayon nga territorial dispute.
Gina-claim sang Russia nga kabahin pa sang ila territory ang Kuril Island nga ginatawag sang Japan nga ila man nga Northern Territories.
