Nanindugan ang Russia nga wala sila sang ginlapas sa international law sang naglabay ang ila Ufa 490 nga attack submarine submarine sa West Philippine Sea kag sa exclusive economic zone (EEZ) sang Pilipinas.
Suno sa Russian embassy in Manila, ang ila submarine vessel ang nag-maintain sang radio contact sa Philippine authorities kag wala sila sang malain nga intensyon sa pag-agi sa lugar.
Ginplastar man sang embahada ang nakasaad sa 1982 UN Convention on the Law of the Sea (UNCLOS) sa exclusive economic zone kun sa diin ginapahayag nga ang tanan nga merchant vessels kag warships lakip na ang submarines ang may yara sang freedom of navigation kaangay sa high seas.
“There are no signs of violation of international law in the actions of the Russian submarine. In accordance with the 1982 UN Convention on the Law of the Sea (Unclos) in the exclusive economic zone, all merchant vessels and warships, including submarines, enjoy freedom of navigation (as on the high seas),” suno sa statement sang embassy.
Una nga ginpahayag sang mga opisyal sa Pilipinas nga nagpakilala gid man ang Russian submarine sa Philippine Navy paagi sa radio inquiry kag nagsiling nga papauli ini sa Russian eastern city sang Vladivostok kasunod sang joint naval drills kaupod sa Malaysia.
Nahibaluan nga bisan may kinamatarong ang foreign ships nga maglayag, madamo ang nahangawa lakip na si President Ferdinand Marcos Jr., sang naglayag ini 80 nautical miles ukon 148 kilometers halin sa probinsya sang Mindoro.
Una man nga nag-deploy ang Philippine military sang navy ship kag air force planes agud nga sundan ang amo nga Russian submarine.
