Nagapati ang Russia nga masolbar sa diplomatiko nga pamaagi ang nagasaka nga tensyon sa tunga nila sang Ukraine.
Suno kay Russian President Vladimir Putin, nagapadayon pa ang ila diplomatiko nga pagpakigsugilanon sa nasambit nga pungsod,
Ini ang pahayag ni Putin kasunod sang panawagan sang dosena ka mga pungsod sa ila nga mga kasimanwa nga magbiya na sa Ukraine bangud sandig sa Estados Unidos, matabo ang aerial bombardments “at any time.”
Apang makapila na ginpanginwala sang Russia ang amo nga alegasyon apisar sang pagpadala nila sang masobra 100,000 ka mga tropa sang militar sa border sang Ukraine.
