Ginhiluan ang isa Russian billionaire kag ang kaupod sini nga Ukrainians kasunod sang ginapahayag pag-negosyar sini agud tapuson na ang away sa tunga sang Russia kag Ukraine.
Sandig sa US reports, ang gin-target sang poisoning attack amo ang oligarch nga si Roman Abramovich, ang longtime owner sang Chelsea Football Club sa London.
Ang amo nga billionaire businessman ang nalakip sa gindagdagan sang sanctions halin sa Western nations agud pwersahon si Russian President Vladimir Putin nga untaton na ang iya invasion.
Antes ang poisoining attack, ginapahayag nga nakit-an si Abramovich nga nagaguwa sulod sa Kyiv, Moscow kag iban pa nga negotiation sites.
Matapos ang meeting sa Kyiv, ginapahayag nga si Abramovich kag ang duha ka senior Ukrainian negotiators ang nag-develop sang mga sintomas kaangay sang pula nga mata nga nagasakit kag nagatubig-tubig kag nagapanit-panit man ang ila nawong kag kamot.
Indi maathag kun sin-o ang may kahimuan apang ginapahayag nga ang ginabasol amo ang pila ka tawo sa Russia nga nagatuyo nga i-sabotahe ang negosasyon.
Sa subong, luwas na sa katalagman sanday Abramovich kag ang Ukranian negotiators.
Ginapatihan man nga indi intensyon sang suspek nga patyon ang bilyonaryo kundi magpalab-ot lang sang warning.
Ginkumpirma man ni Ukrainian President Volodymyr Zelensky nga nakabaton siya sang suporta halin sa mga Russian businessmen lakip na si Abramovich kag isa ini sa nagpasugot sa negosasyon. ##
